اعذروني يا ناس | أيمن رمضان

اعذروني يا ناس لو كان صوتي حزين
فاض الدمع يا ناس من جرح بفلسطين

قلبي عبلادي شو بيحزن والهم بأعماقي تمكن
عالطفل اللي عمرو ما اّمن يرجع من مدرستو سليم

بعيوني السنين بتمضي والمحتل يعذب ارضي
والفرحة غابت عن نبضي والــ آه بصوتي ترنيم

مأساتي من عمر بلادي من صبره وشاتيلا لتنادي
من غزة اللي حرقها العادي والعالم كلوا صامتين !!

ما بين اللي احتل دياري واللي خاين عهدي وثاري
واللي عني ماهو داري ألاقي نصرتنا وين..؟؟

ياا ربي فرج عبلادي ماغيرك ندعي ونادي
لولا وعدك والشهادة قتلتنا الحسرة من سنين

وبقلبي صورة لرجوعي ذكراها بتمحيلي دموعي
راجع اضوي كل شموعي وارفع راسي بفلسطين
**موقع بدون ايقاع**